Back to school

🔔 Среќни и успешни училишни денови!

Мал подарок од Мат Стар за успешна учебна година – електронски распоред за часови. Распоредот може да се пополни на компјутер или да се испечати и напише рачно.

Распоредот на македонски јазик можете да го преземете овде 👉 https://bit.ly/3DoAMWj

Распоредот на албански јазик можете да го преземете овде 👉 https://bit.ly/3R0xBHP

🍀 Со среќа!

GIVEAWAY

Со нетрпение ја дочекавме пролетта!
За максимално да уживате во убавите и сончеви денови решивме да ве мотивираме и инспирираме, и организиравме пролетен Фејсбук и Инстаграм #Giveaway.
Наградите се два пара од совршените Air Star балетанки од брендот на Matstar.
Акцијата траеше од 12ти до 20ти Мај, на социјалните мрежи Фејсбук и Инстаграм.
Условот да се учествува беше да се следат сметките на Фејсбук или Инстаграм на @matstar_mk, да се лајкне и зачува објавата, во коментар да се запише која боја би сакале да ја добијат од понудените награди и да се означи пријател. Дозволени беа повеќе записи за поголеми шанси за добивка.
Конечно акцијата заврши, и сега е време да ви ги откриеме добитниците на наградите.

Добитници од нашиот GIVEAWAY се: @Violeta Miloeska и @dritaosmani

На сите учесници им благодариме учеството.
Следете ги нашите објави, подготвуваме нови промоции.

#matstar #giveaway #dobitnici

Одржување

Инструкции за сушење

Влажните обувки задолжително се сушат на собна температура. Многу често луѓето ги сушат влажните обувки до радијатор или друг директен извор на топлина, меѓутоа тоа е погрешно!

Инструкции за чистење на дамки

Валканите обувки треба да се исчистат од калта и нечистотиите и да се исушат, пред да се третираат со креми или останати средства за отстранување на дамки.

Кожа

Избришете ги внимателно обувките со влажна ткаенина, користејќи мек сапун и ладна вода. Не ги перете обувките во машина за перење на алишта! Не користете избелувачи! По сушењето, нанесете рамномерно крем за одржување на обувката на целата површина, притоа доколку користите крем во боја, бојата на кремот треба да одговара со бојата на обувката! Сепак, користете безбоен крем за светли обувки или обувки од природна кожа.

Велур и нубук

За обувките од овие материјали, пред сушењето отстранете ги замрсените дамки со специјална четка за велур или нубук! Не користете вода, бидејќи таа може да биде причинител за познавање на дамките. Мазните дамки се отстрануваат со соодветен препарат за велур или нубук

Синтетички материјали

Во зависност од структурата на материјалот, придружувајте се кон упатството за одржување соодветно за секој материјал: кожа, велур или нубу

Десет совети за убави обувки

Велат дека обувките се олицетворение на човечкиот карактер, без разлика на неговата облека. Затоа како најважен аксесоар се спомнуваат токму тие – обувките! За да оставиме добар вречаток, треба да се грижиме обувките постојано да бидат чисти и во добра состојба.

Различните обувки може потполно да го променат стилот на облеката. Нормално, со текот на времето стануваат износени и стари. За да ги одржите вашите омилени обувки во форма што подолго, Ви предложуваме неколку корисни совети:

1.Пред да ги складирате зимските обувки, задолжително исчистете ги. Би било пожелно да ги чувате во кутии, а не да ги натрупувате еден пар врз друг.

2.Никогаш не ги оставајте обувките коишто ги носите секој ден, валкани со прав или кал. Чистете ги по секое носење и тие ќе ви возвратат со долго и удобно носење.

3.Влажните обувки од кожа најдобро се чистат со топла вода. За да остане кожата мека, може да ги третирате со вазелин илидруго масло погодно за кожа. Дури откако ќе се исушат може да ги бојадисате.

4.Не обувајте нови обувки за првпат на дожд. Најпрвин новите обувки се носат на суво време за да се пополнат порите на потполнките. На тој начин ќе дојде до помалку пропуштање на вода.

5.Дамките на светлите обувки може да се исчистат со тампон натопен во лимонов сок. Задолжително е пред тоа тие да се исчистат од прав и кал.

6.За да ги вардите зимските обувки од влага, намачкајте ги одвреме навреме со рибино масло.

7.Никогаш не ги сушете обувките на печка, парно или силна сончева светлина – постои можност од нивна деформација!

8.Кога немате повеќе боја за обувки, можете да ги премачкате со памук на кој сте ставиле крем за раце или млеко за тело.

9.За да бидете сигурни дека обувките секогаш  ви „светат” носете со себе сунѓер за сјај.

10.Кога соблекувате влажни обувки, внимавајте да не им го згмечите предниот дел. Веднаш по соблекувањето, наполнете ги со сува хартија, превртете ги со подметките нагоре и оставете ги да се исушат.

Најважно!!!

  • Полирајте ги обувките пред да излезете надвор;
  • Доколку обувките се влажни, тапкајте ги со сува хартија за да ја соберете водата а потоа оставете ги да се исушат на собна температура;
  • Пред да ги перете обувките, проверете дали материјалот од  којшто се направени дозволува нивно перење;
  • Пред перење на обувките, исчистете ги од кал и извадете ги врвките, бидејќи врвките треба да се перат одделно од обувките;
  • За да не добијат обувките непријатен мирис, користете специјален дезодоранс или пудра;
  • Менувајте ги влошките на обувките редовно!

Упатство за одржување на обувките

  • Користете ги обувките соодветно на сезоната за којашто се наменети
  • Чувајте ги обувките на собна температура на суво и проветрено место.
  • Начинот на дневно користење на обувките ќе го определи нивниот век.
  • Периодично менувајте ги или чистете ги влошките на обувките.
  • Обувките треба да се проветруваат.
  • Кога се носат на боса нога или доколку се носат со синтетички чорапи / хулахопки, обувките може да добијат лош мирис. Поради тоа треба да се избегнува носење на обувките на боса нога и редовно да се менуваат чорапите / хулахопките.
  • Обувките во чијашто декларација нема натпис waterproof може да пропуштаат вода. Влажните обувки треба да се одржуваат според упатсвото дадено во декларацијата.
  • Најдобро е влажните обувки да се сушат на собна температура.
  • Треба да се избегнува директен контакт на обувките со морска вода, како и предолго изложување на сонце.
  • Обувките не треба да се чуваат влажни.
  • Не сушете ги влажните обувки принудно (со парно, на сонце или на друг директен извор на топлина).

Информација за одржувањето:

  • Не ги перете обувките во машина за перење на алишта! Не ги перете на рака! Не  користете избелувачи!
  • Валканите обувки од природна или вешачка кожа треба да се чистат со влажна крпа или мек сапун;
  • Доколку обувките се влажни, најпрво се сушат со сува крпа,а потоа се оставаат да се исушат на собна температура;
  • Обувките од нубук или велур треба да се исчеткаат до специјална четка или средство за чистење на велур.

Како да изберете правилни обувки?

Најважен при изборот на детска обувка е материјалот. Тој треба да биде природен и мек, за да може ногата преку него да дише и да се движи слободно. Мора да бидете сигурни дека обувките:
• добро го опфаќаат глуждот (до четвртата година);
• имаат флексибилен и нелизгав ѓон;
• имаат зајакната, тврда подлога која ќе го спречи поместувањето на стапалото внатре во обувката;
• поседуваат или врвки или лепенки кои ќе овозможат стабилност;
• имаат доволно простор за природно движење и растење на ногата;
Детските обувки не треба да имаат подигната (висока) пета. Такви обувки треба да се носат само во специјални случаи.

Како да се избере правилен број на обувка?

Кога купувате детски обувки, најдобро е детето да биде со вас. Доколку тоа не е можно, тогаш понесете со себе скица од ногата на вашето дете. Задолжително е таа да биде за 12 милиметри поголема од сите страни зошто детското стапало треба да биде слободно во обувката. Кога ќе ги пробувате обувките на детето не треба да употребите сила за да го внесете детското стапало во неа, напротив – ножето треба слободно да влезе во обувката и да се приспособи на неа, а платното од долниот дел треба да биде прилепено за стапалото

Детската нога

Бебињата ги користат нивните ножиња како дополнително сетило. Тие се многу чувствителни и му помагаат на детето да го спознае светот околу себе. Бебешкото стапало е составено од неразвиени, меки коски кои наликуваат на ‘рскавици. Несоодветна обувка би можела да предизвика големи проблеми во процесот на развој на нежното ноже. Истовремено, бебето не може да одреди дали обувката што ја носи му одговара на неговото ноже по големина и широчина.
Развојот на ногата е долг и сукцесивен процес во кој ‘рскавиците стануваат сè потврди и постабилни. Стапалото целосно се оформува дури по шесттата или седмата година.

Совети за родителите

• Бебето на возраст од осум или девет месеци нема потреба од обувки. За да внимавате на стапалата да им биде топло и суво, треба да обувате само чорапи или меки платнени топлинки, коишто во никој случај не треба да бидат тесни.
• Треба да ја проверувате големината на стопалото на секои два-три месеци;
• Веднаш измерете ја должината и ширината на двете стапала;
• Носете патики или спортски обувки кога се бавите со спорт!
• Не користете за вашето дете обувки носени од друго дете. Секое дете има различни стапала, а обувките се прилагодуваат на нивната форма;
• До тригодишна возраст, барајте професионално мислење за стапалата и нозете на вашето дете, барем еднаш или двапати годишно. Доколку забележите проблем, консултирајте се со ортопед!
• Кога вашето дете ќе наполни три години, направете целосен ортопедски преглед;
• Следете каква било деформација на палците или останатите прсти на нозете;
• Сечете ги навремено и внимателно ноктите на нозете.

Зошто обувките се толку важни?

Секој ден трошиме енергија, време и пари за совршен надворешен изглед.
Сепак, да се запрашаме: кога последен пат сме помислиле за здравјето на нашите стапала? Погледнете ги Вашите обувки и помислете на пример дали е правилна нивната форма? Доколку одговорот е негативен, значи дека вашите стапала и нозе се далеку од завидна состојба.
Помалку од 10% од децата се раѓаат со деформации на нозете, а само 45% од возрасните имаат здрави стапала. Основната причина за тоа е погрешниот избор на обувки во детството.

Нозете ја издржуваат целата тежина на телото, ни помагаат да се движиме, едноставно да се чувствуваме живи!
Човекот прави околу 8000 чекори секој ден. Нозете содржат повеќе коски во себе отколку кој било друг орган во нашето тело (¼ од целиот скелет на човекот), потоа 19 мускули, 107 жили и 250 000 потни жлезди.
За да бидете сигурни дека вашите нозе ќе бидат здрави до старост мора внимателно да се грижите за нив.